NRK Meny

Nárkoákšuvdna Čáhcesullos


Čáhcesullo politiijat leat dán váhko váldán njealljása gitta stuorebuš nárkoákšuvnnas. Vuossárgga sii duoguštedje birrasii čuohte grámma amfetamiidna mas vuovdinárvu lea árvvu miel čuohte duhát kruvnnu.

- Dát lea stuorra duogušteapmi dan ektui mii láve leat dábálažžan Nuorta-Finnmárkui, lohká politiija bajitbálvá Hallgeir Rushfeldt.

Buot njealjis leat vuigen daguideaset, ja leat dál luiton fas luovus dan botta go vurdet diggeproseassa.