Folkelarm bálkkašupmi lea ásahuvvon norgga álbmotmusihkkáriidda vai siige gullogohtet eanet. Dáinna bálkkašumiin áiggošedje čálmmustuhttit álbmotmusihkkáriid jos de mat siifitnešedje eanet bargguid. Dán bálkkašumis leat vihta iešguđetge luohkká. Dát leat oktolávlu/ solo, gamaldans árbevirolaš čuojaheamiin, jagi dokumentašuvdnaskearru, rabas luohkká/åpen klasse, ođđahutkos/ nyskapende ja eksperimentealla ja vel ođđalávlu/ nykommer.
Ábifruvvá nammaduvvon
Ábifruvvá lea Karen Anne Buljo mearrasámiluohte cd. Son lea dáid šuoŋaguin nammaduvvon guovtti luohkkái Folkelarm bálkkašupmái, okto/ solo- ja ođđalávlu/ nykommerluohkkái. Buljo illuda dáinna ja lohká dán erenoamážit movttiidahttit mearrasáminuoraid. Soitet siige dál eanet gullogoahtet, soitet eanebut maid searvagoahttit Sámi Grand Prix:ii.
Sacred Stone
Ánde Somby ja Vajas joavku leages Sacred Stone cd:n nammaduvvon Folkelarm bálkkašupmái. Son navdá iežaset nammaduvvon Nyskapende/ eksperimentell luohkkái danne go sii luđiin leat duosttan hápmet erenoamáš musihka.
Vuolgiba gallakonsertii
Buljo ja Somby vuolgiba Osloi gallakonsertii mii lágiduvvo Cosmopolite konseartabáikkis dán mánu 29.beaivvi.