NRK Meny
Normal

Nákkáhalai doavttirin gieskat

Gieskat nákkáhalai Margrethe Bals doavttirin psykologiijas. Mojit dat dál čájehit ahte son lea dáinna geargan.

Margrethe Bals disputasas
Foto: Priváhta

Margrethe Bals muitala dán barggu lea guhkes proseassan, dat lea máŋga jagi vássan das rájes go son gearggai dáinna psykologijja oahppun. Ja dalle son oaččui dán doavttergráda barggu ges.

Ilus go lea geargan prošeavttain

Iežas muitala dál leat ilus go lea geargan doavttergráda bargguin, ja dál lea son doavttir psykologijjas.

Doavttergrádabarggu lohká gáibidit viššalisvuođa. Ferte áŋgirit bargat vai ovdána barggus. Earret eará ferte čállit oalle olu ártihkkaliid ja daid ferte vissis vugiid mielde dulkut go čállá, lohka Bals.

Sihke somá ja lossat

Margrethe Bals lohká doavttergráda barggu leat leamaš sutnje sihke somá ja lossat. Lossadin leamaš dalle go son oalle láhkai leamaš dolkan das, muhto go de fas luovvana, de son lea áŋgirit bargan dáinna.

Dutkanbargu lea oktobargu, danne máŋgii dovdá iežas hui okta dáinna bargguin.

Ii dieđe mo dat vuhtto

Iežas ii loga gal diehttit mo dat beaivválaš eallimis vuhtto ahte son dál lea nákkáhallan doavttirin psykologijjas. Muhto sus alddis lea de vejolaš dutkanprošeavttaiguin bargagoahtit.

Iežas lohká erenoamažit beroštit nuoraid áššiin, ja erenoamážit easttadanbargguin lohká iežas beroštit. Nuoraid pskalaš dearvvasvuođas muitala beroštit erenoamážit.