Hopp til innhold

Nagodan juoga maid eai nu gallis nagot

Sámi-kiinnálaš bárdni Kit André Wong Gaup (33) lea nagodan juoga maid eai nu oallugat leat ovdal nagodan, go son lea aiddobeliid čađahan Næringslivets hovedorganisasjon - NHO - allaárvosaš Global Future prográmma.

Kit André Wong Gaup

Sámi-kiinnálaš bárdni, Kit André Wong Gaup.

Foto: Anne Helene Gjelstad

Son lei okta 30 máŋggakultuvrralaš ohcciin, geain lei alla oahppu ja giellačehppodat. Ja lohká ahte lei erenoamáš dovdu go gulai ahte son lei okta dain gii lea válljejuvvon.

Ii goassige čiegadan

Wong Gaup lohká maid ahte su sápmelašvuohta váikkuhii olu dása, son livččii sáhttán válljet čiegadit su sámi gullevašvuođa, ja dastto de varra livčče leamaš álkibut fitnet barggu, muhto dat lagamus luodda ii leat alo dat geahppaseamos.

Ii ge son leat goassige čiegadan iežas sámi ja kiinnálaš gullevašvuođa, ja jáhkká ahte dat lei okta sivva manin su válljejedje.

Guldal ášši:

:Sámi-kiinnálaš gánda čađahan allaárvosaš Global Future prográmma

Korte nyheter

  • Beitekrise i Karasjok - skuterløyper stengt

    Kriseberedskapsutvalget har erklært beitekrise i store deler av Karasjok. På grunn av dette er flere skuterløyper stengt, skriver Karasjok kommune på sin nettside.

    Løype 5 mellom Láŧevuovdi og Guovžilbohki og løype 17 Badjenjárga til Dákteroavvi stenges midlertidig.

    Løypa stenges fram til 8. april av hensyn til reindriften.

    Karasjok kommune kan stenge skuterløyper etter kommunal forskrift om snøskuterløyper § 7.

    Beitekrisen har rammet flere distrikt i Nordland, Troms og Finnmark, og har så langt berørt i overkant av 60.000 rein.
    Foto: Landbruks- og matdepartementet
  • Dieđihit eambbogo 30 goddon Israelea falleheamis Syriijas

    Siviila olbmot ja soalddáhat galget leat goddon israelalaš áibmofalleheamis Syriijas, syriijalaš eiseválddiid dieđuid mielde.

    Eanetgo 30 olbmo galget dieđuid mielde goddon.

    Dieđuid mielde galgá Israel fallehan Aleppo gávpoga mannan ija diibmu 01.45 báikkálaš áigge.

  • – Alimus Hálddahusriekti bággeha ii-sápmelaččaid Sámediggái 

    Sámiráđi ságadoalli Áslat Holmberg oaivvilda, ahte Suoma Alimus Hálddahusriekti (AHR) badjelgeahččá sámi álbmoga.

    – AHR lea ođasmahttán mearrádusaid, mat leat gávnnahuvvon rihkkut sápmelaččaid vuoigatvuođa friddja politihkalaš ortniiduvvamii, oaivvilda Holmberg.

    AHR lea mearridan, ahte mannan čavčča sámediggeválggaid galgá lágidit ođđasit.

    Riekti lea gieđahallan badjel čuođi sámediggeválggaid válgalogahallama ja válgabohtosa guoski váidaga.

    – AHR fas bágge Sámedikki dohkkehit 72 ii-sápmelačča ižas jienastuslohkui. Ná áitá Sámedikki legitimitehta sápmelaččaid ovddastanorgánan, cuiggoda Holmberg.

    Aslak Holmberg
    Foto: Piera Heaika Muotka / Sámiráđđi