NRK Meny

Našunála gárihuhttinmirkoprográmma

Gárihuhttinmirkogeavaheaddjit Norggas sáhttet dál dubmejuvvot dikšomii ovdalii go giddagassii. Bergenis ja Oslos leat juo gárihuhttinmirkogeavaheaddjit, geat leat lobihuššan ja maŋŋá ožžon divššu. Krimálafuolahusdirektoráhta direktevra Marianne Vollan lea erenoamáš duhtavaš go dát dál šaddá našunála ortnegin. Ja eanet go oktagoalmmádas oassi sis geat dubmejuvvoje divššu vuollái, čađahedje prográmma Stáhta gárrenmirkodutkan instituhtta dieđuid miel. Sii, geat eai ollásit čađahan prográmma, gevve giddagassii.