Čáhcesullo giddagasa jođiheaddji Bård Buljo sávvá NRK:i bures boahtima, go boahtit muvraseinniid siskkobeallai.
Dáid juovllaid dáppe leat 35 olbmo giddagasas – olles Norggas ges badjelaš 3.800 olbmo.
Giddagasa jođiheaddjit leat ovddalgihtii gulaskuddan fáŋggain geat háliidit NRKain ságastallat.
Unna lanjaš
NÁ ÁVVUDA JUOVLLAID: NRK galleda earret eará Sveinulf, Čáhcesuolu giddagasas.
Foto: Harry Johansen / GovasNRK deaivvada Sveinulfain.
Son ii hálit moktige čiegadit gii son lea, ja dáhtto rabas almmolašvuođa.
Giddagaslatnja gos suinna ságastalle ii leat stuorát go sullii logi njealjehasmehtera.
Dáppe lea seaŋga, beavdi, stuollu, TV, hivsset ja bivttasskáhppe. Stuorra erehus dasa masa son ovdal lea hárjánan, go lea beassan ávvudit juovllaid ruovttus iežas ráhkkásiiguin.
– In fuola áiddi oaidnit
Son dovddasta ahte rahčá váttis dovdduiguin go ii beasa ávvudit juovllaid ovttas moarsin, bearrašiin ja verddiiguin.
Giddagaslanja glása ovdii son lea rohtten lássaliinni.
– In hálit oaidnit dan alla áiddi ja ruossaruvddiid mat leat olggobealde.
- Loga maiddái: Árvaledje sámi giddagasa – eiseválddit eai čuovvolan
Stuorámus dáhpáhus: – Bessen moarsái riŋget
Vaikko rahčá morrašiiguin áššiid hárrái mat eai livčče galgan šaddat nu mo leat gártan, de dattetge lea duhtavaš dilálašvuođain mot giddagasa jođiheaddji leat láhčán fáŋggaide juovllaide.
Sveinulf čilge ná mo son vásihii dán jagáš juovlaruohta:
– Stuorámus dáhpáhus lei go bessen háleštit telefovnnas iehčan moarsiin, Sveinulf muitala.
GEAHČČÁ OLU FILMMAID: Nubbi eará geainna NRK deaivvada, ii hálit identifiserejuvvot mediain. Fáŋga dadjá iežas šaddat olu filmmaid geahččat juovllaid. Dá hálešta NRK-reportáriin gii čohkká dobbileamus.
Foto: Harry Johansen / Govas- Loga maiddái: Giddagasbargit oahppame sámegiela
– Juoga mii váilo
Nubbi eará fáŋga dáhto ahte namas ii galgga muitalit. Son lea ges vásihan dán jagáš juovllaid ná:
– Dat lea juoga mii váilo. Dát juovllat eai šatta nu mo juovllat dábálaččat leat.
– Mii dat váilo de?
– Na, olmmoš han gal váillaha iežas lagašolbmuid. Olmmoš ii beasa juovlastallat singuin. Dat dat lea buot losimus, dadjá son.
– Ferte muitit manin sii leat dás
GIDDAGASJOĐIHEADDJI: Bård Buljo.
Foto: Harry Johansen / GovasGiddagasa jođiheaddji Bård Buljo lohká iežaset diehtit ahte juovllat leat erenoamáš lossa áigi fáŋggaide.
Danin jođiheaddjit geahččalit láhčit dili nu bures go vejolaš daid reaidduiguin mat sis dáppe leat.
– Lea dehálaš atnit muittus manin olbmot leat gártan giddagassii. Dat lea ráŋggáštus go leat rihkkon Norgga lágaid, dadjá Buljo.
- Loga maiddái: Siviláittardeaddji ádde sámefángga dili
