NRK Meny
Normal

Ná šadda ođđa teáhterjahki

Beaivváš sámi našonálateáhtera ođđa hoavda almmuhii boahtte jagi teáhterprográmma.

Rolf Degerlund

Beaivváš sámi našonálateáhtera ođđa hoavda hálidivččii joksat teáhtergehččiid ođđa čájalmasaiguin.

Foto: Aslak Mikal Mienna / Beaivváš

Duorastaga lei teáhter ja ođđa teáhterhoavda bovden teáhtera 2016 prográmma almmuheapmái.

Teáhterhoavda Rolf Degerlund muitalii dalle, ahte sis leat stuorra áigomušat.

– Teáhter galgá ráhkadit ja čájehit teáhtera buohkaide, báikkálaččat, guovllu dásis, Sámis ja maiddái gaskariikkalaččat, čilge Rolf Degerlund preassadieđáhusastis.

Ná lea boahtte jagi sisdoallu:

  • 1814 Duoddara western – smávit mátki Finnmárkus ođđajagimánu
  • Vidas Extremas – álgočájálmas Sámi albmotbeaivvi, Oslos
  • Reaktor (guossečájálmas Giron Sámi Teáhter), guovvamánu 27.2. Guovdageainnus
  • Gába – álgočájálmas 23.3., Guovdageainnus
  • Hamelna roahttobivdi, vuosttaščájálmas giđđat
  • Plupp, Åarjelhsaemien Teatere ovttas ea. ea. Beaivvážin, álgočájálmas čakčat lulli-sámi guovlluin
  • Mávssaheapmi, álgočájálmas 7.10.
  • Dievddut, vuosttaščájálmas 25.11.