Gáresavvonlaš Hanna Nutti liiko lávlut, ja lea juo mánnávuođarájes lávlun. Iežas muitala alo liikon ahte olbmot gullet go son lávlu. Son čuojaha ja lávlu máŋggalaganaš musihka.
Hanna Nutti lea nuorra nieida, son hálidivččii almmuhit cd, muhto ii dieđe vuos goas dát duohtan šaddá. Ii son dattetge ráppe gal, iige loga máhttit juoigat.
Čállá ieš teavsttaid
Hanna Nutti muitala leat ráfálaš eallima Gáresavvonis, danne oažžu son hui olu áiggi čállit teavsttaid iežas lávlagiidda. Son čállá olu ráhkisvuođas, ráhkisvuođas dievddu ja nissona gaskas.
Bártniide ii vuos sadji su eallimis
Ii son loga vuos smiehttat nu olu bártniin, son ferte vuos beassat eallit okto ovdal go smiehttagoahtá bártniin. Dál navdá son ahte bártnit ja ráhkesvuohta dáidá buktit olu morrašiid, danne son dahttu leat okto vuos.
Girječálli Inga Ravna Eira, sámi girječálliid searvvis, lei okta dain gii čuovui seminára.
– Dát mearkkaša hui olu sámi girjjálašvuhtii ja sámi girječálliide, danin go mii leat guhká váillahan girjjiid mánáide erenomážit ja maiddai nuoraide.
Su mielas lea buorre go dákkár seminára dollo, ja muitala ahte sis lea ihttin gis bargobádji mas galget digaštallat mo galget bargat sámi mánáid girjjálašvuođain ovddasguvlui.
Son čilge ahte Sámis eai leat doarvái mánáidgirječállit, ja jus galget eambbo mánáidgirjjit de adnojit eambbo girječállit maiddái mánáid ja nuoraide.
– Jus mis galgá boahtteáiggis gávdnot sámegiella, de fertet mii álgit mánáiguin ja mánáide. Erenomážit dál galggašii dahkkot hui stuorra bargu oažžut olu sámegiel mánáidgirjji.
Son dadjá ahte mánát galggašedje álgit beassat gullat girjjiid dalán go riegádit ja gitta 13-14 jagi rádjái, muhto ahte Sámis eai leat girjjit buot daid ahkásaččaid.
– Min oainnu mielde lea hui dehálaš sámegielat mánáide oažžut dan vásáhusa, girjjit han ovddidit sámegiela ja go mánát gullet iežaset gillii girjji, dain leat máŋggalágan vásáhusa.