NRK Meny
Normal

Musihkka boktá muittuid

Musihkain muittaša Reino Saijets mánnávuođas, ja mánnávuođabáiki dat gal mearkkaša hui ollu sutnje.

Reino Saijets
Foto: Thoralf Balto

60 jahkásaš Reino Saijets lea bajásšáddan Áŋŋelis Anárjoht siste. Otne son ássá Roavvenjárggas. Son lea ásttoáigge musihkkár ja duhkaraddá musihkain ruovttus. Son čuojaha fidjola ja banjo instrumenttaid, ja lávlagiiguin son rohte mánnávuođa muittuid otná áigái.

Reino Saijets

Reino Saijets

Foto: Thoralf Balto

Bargan eallinagi suodjalusas

Reino Saijets lea eallinagi bargan Suoma suodjalusas radjagoziheaddjin. Lávllodit ja čuojahit lei sutnje hui dehálaš doppe dan barggus. Dál son gal juo lea leamaš logi jagi ealáhagas, danne sus dál lea dilli dávjá finadit mánnávuođa gilážis Áŋŋelis, báiki mii eallá su váimmus.