NRK Meny
Normal

Musea gárvana giđđat

Statsbygg lohpida ahte Nuortasámi musea Njeavdámis gárvána giđđat.

Østsamisk museum

Nuortasámi musea

Foto: Nils Henrik Måsø / NRK

– Musea buollinčáskadan rusttegat, mat leat dáhkis, sáhttet divvojuvvot giđđat, jáhkkimis miesse- dahje geassemánus, lohpida sivilárkiteakta, Arne Blix NRK:ii.

Dán rusttega dat eai leat ožžon doaibmat álbmaládje ja danne ii leat viessu dohkkehuvvon geavahussii.

Offisiell åpning utsatt flere ganger

Álmmolaš rahpan maŋiduvvon máŋgii

Nuortasámi musea lei rievttimielde galgat álmmolaččát rahpot guokte jagi áigi. Dan leat šaddan maŋidit go viessu ii leat dohkkehuvvon buollin-njuolggádusaid vuođul.

Njuolggádusat gáibidit earret eará čáhcejáddadanrusttega dahkkai, mas čáhci cirgugoahtá jus viessu buollá. Váttisvuohta Nuortasámi museas lea heitot čahcejohtu.

Dál lohpida Blix čoavdit dáid váttisvuođaid, muhto ii dieđe vel goas álmmolaš rahpan šaddá.

– Rahpanbeaivvi gal mii eat mearri. Dan fertejit museavuođđudus ja museabargit dahkat, muhto jáhkan gárvvistit dan miesse- dahje geassemánus, lohpida Blix.

Guhká vuordan gárvaneami

Honna Havas

Nuortasámi musea beaivválaš jođiheaddji, Honna Havas.

Foto: Nils Henrik Måsø / NRK

Nuortasámi musea beaivválaš jođiheaddji, Honna Havas, lea guhka vuordán beaivvi go sáhttet uvssaid rahpat olbmuide.

Hun sier at selv om Statsbygg lover å gjøre ferdig bygget til våren, så er det likevel vanskelig nå å si når det blir offisiell åpning av museet.

Son lohka leat váttisin diehtit goas álmmolašrahpan šaddá, vaikko vel Statsbygg gárvvista viesu giđđat.

– Lea čielggas ahte sii eai sáhte mearridit rahpanbeaivvi ovdalgo buot teaknihkkalaš oasit leat sajis. Danne fertet oaidnit man jođánit orrot gárvvisteamen dan mii vel váilu, čilge Honna Havas.