NRK Meny
Normal

Návti muohtarido biebmadimásadusáv smållij

Muohtarido dejvaj guollebiebmadimásadusáv. Gehtja filmav.

Snøras i Musken i Tysfjord traff oppdrettsanlegg

Biebmadimásadus bæjsstanij Måsken Divtasvuonan.

Foto: Egil Skálltje

Lávvodagá muohtarido vieraj guollebiebmadimásadusá lahkusin Måsken Divtasvuonan, ja luossabiebmadagáv dejvaj.

– Vuorbbe gå ællim guole biebmadagá sinna, ja vuorbbe gå ettjin aktak vahágahteduvá, subtsas Ellingsen Seafooda jådediddje Line Ellingsen.

Biebmadahka bæjsstanij

Snøras i Musken i Tysfjord traff oppdrettsanlegg

Lávvodagá dát muohtarido biebmadimásadusáv dejváj.

Foto: Egil Skálltje

Væráp lij máhttet liehket. Dåssju vahkov åvddål gå biebmadahka dejvaduváj, lidjin 60.000 luosa biebmadagán.

– Vuorbbe gå ællim biebmadagán guole, diedá gå smållånij. Duobbmijma dav bæssátjij åvddåla. Soajttá guolle lij báhtarit jus vilá danna lij liehket. Ja vuorbbe gå da nuppe biebmadagá, gånnå li guole, ettjin bæjsstana, javllá line Ellingsen.

Sirddi biebmadagáv

Ellingsen Seafood AS galggi dálla biebmadagáv sirddet vaj ij akti ájn dáhpáduvá.

– Ejma diede muohtarido danna li máhttet vierrat, valla dálla dav diehtep. Galggap guolev sirddet ietjá saddjáj vaj ep vahágahteduvá.

GEHTJA FILMAV:

Snøras traff oppdrettsanlegg i Musken i Tysfjord påskeaften. Video: Egil Skálltje. Redigering: NRK / Simon Piera Paulsen

Gåvå: Egil Skálltje