Servodatsihkkarvuođa ja gearggusvuođa direktoráhtta muittuha Statsbygg Nord Kautokeino Drift njulget váilevašvuođaid ja boasttuvuođaid Mollešjoga ja Gárdina duottarstobuid elektrihkalaš rusttegiin.
Statsbygg Nord Kautokeino Drift lei ožžon áigemeari dahkat dán čakčamánu 15. beaivái diibmá, muhto Direktoráhtta ii leat vel ožžon dieđu ahte dát lea dahkkon.
Jus dán vahku mielde eai oaččo dákkár dieđu, de árvvoštallet bággosáhkohit dassážii go dát dahkko.
Diibmá Biebmobearráigeahčču ii miehtan plánaide viiddidit bieggafápmorusttega Rákkočearu alde, dan dihte go jus ribahit golgat kemikálaid de livčče golgat juhkančáhcái.
Biebmobearráigeahčču gesii ruovttoluotta vuostecealkámuša go fitnodat mearridii sirdit njeallje turbiinna.
Rákkonjárgga orohaga jođiheaddji Johan Magne Andersen fuolastuvvu go gullá NRK:s ahte áigot fas sirdit turbiinnaid.