NRK Meny
Normal

Muittašedje Áillohaš-rohkki dáidaga

Áillohačča muitosemináras čilgii sápmelaš dáiddár Ingunn Utsi man láhkái Nils-Aslak Valkeapää rohkki gálii luottaid sápmelaš dáiddáriidda.

Ingunn Utsi, Áilluhačča muitosemináras 23.03.13.

Dáiddár Ingunn Utsi doalai muitosártni Áillohačča muitosemináras.

Foto: Klemet Anders Sara / NRK Sápmi

Muitosánit, divttat ja luođit gullojedje mannan lávvardaga go Lásságámmi-vuođđudus lágidii muitobottoža ja seminára máŋggasuorggat-dáiddára Nils-Aslak Välkeapää birra, seamma beaivvi go Áillohaš livččii deavdán 70-jagi. Eambbogo čiežalogis ledje searvan doaluide. Dáiddár, Ingunn Utsi muittaša Áillohačča stuorra dáiddárin.

Áillohaš-muitobottoš lei su hávddi luhtte Biertaváris, gos Per Ludvig Boine logai muitosániid ja Gáivuona Sámi lávlunjoavku muittašii Áilluhačča lávlagiin.

Davviálbmoga guovddážis lei seminára gos oassálastit besse vásihit su dáidágiid sániid ja govaid bokte. Govvadáiddár Liisa Välkeapää dadjá Áilluhašedno addán movtta iežas dáidagii.