Muitobáiki nazisoalddáhiidda?

– Stáhta ferte ásahit muitobáikki dáža soalddáhiidda geat Nazi-Tuiskka ovddas eaktodáhtolaččat soahtaladde nuppi máilmmesoađis. Nu cealká Rukses Ruossa álbmotriekteossodaga jođiheaddji, Mads Harlem,VG:i. Harlem čujuha Geneve-soahpamuššii, mii dadjá ahte buot olbmuin, geat leat massán lagamušaid soahtái, lea vuoigatvuohta muitobáikái. 800 norgalačča geat soahtaladde Nazi-Tuiskka ovddas, masse heakkaset nuppi máilmmesoađis.