Hopp til innhold

– Orro dego olggobealde stobu dáhpáhuvvan, gal dat bođii nu lahka

Elle Márjá Eira lei ruoktot jođus go sirenat njurgugohte Dánmárkku oaivegávpogis.

Skyting i Danmark

Dánska politiijat Fields gávppašanguovddáža olggobealde.

Foto: Camilla Svennæs Bergland / NRK

– Mun ledjen sáttogáttis leamaš, ja ledjen jođus ruoktot. De šattai hirbmat riedja. Helikopterat girde, bolesbiillat ja ambulánssat vudje. Eai dat orrun oba nohkamin ge, muitala Eira gii orru Københámmanis.

Son healkkehii go fáhkka šattai nu šurra gávpogis.

ILGADIS DÁHPÁHUS: Sutnje lea unohas smiehtat dákkár dáhpáhus geavai su orrunbáikki láhka.

ILGADIS DÁHPÁHUS: Sutnje lea unohas smiehttat ahte dákkár dáhpáhus geavai su orrunbáikki lahka.

Foto: Privat

Gal dat lea ilgat. Københámman lea oalle unni. Olles Dánmárku han lea seamma stuoris go Finnmárku. Orro dego olggobealde stobu dáhpáhuvvan. Gal dat bođii nu láhka. Mun gal ledjen dieđus suorganan.

Nie čilge Eira movt lea leamaš báhčalemiid oktavuođas.

Son muitala ahte mannan ija lea unnán oađđán, danne go lea čuvvon mielde ođđasiin mii dáhpáhuvvá.

Fitná dávjá doppe gos báhčin lei

Eira fitná dávjá Fields nammasaš gávppašanguovddážis gos báhčaleamit ledje.

Eirai lea váttis gávdnat sániid mat čilgeše daid dovdduid mat sus badjánedje maŋŋel báhčalemiid.

Su mielas lea unohas smiehttat ahte dákkár dagut sáhttet geavvat gávppašanguovddážiin maid.

FIELDS GUOVLU: Dá lea báiki gos Elle Márjá dávjá váccaša, Fields gávpeguovddáža guovlu. Govas gurot beallái (ii oidno govas) lea guovlu gos Fields vistti lea.

FIELDS GUOVLU: Dá lea guovlu gos Elle Márjá dávjá váccaša. Gurut beallái govas lea guovlu gos Fields-guovddáš lea, muhto dat ii oidno dán govas.

Foto: Privat

– In mun gal jáhke ahte in šat vuolgge dohko fitnat. In mun dieđe. Orro nu ilgat smiehttat ahte go vel gávppašettiin sáhttá juoidá geavvat. Lea oalle ilgat smiehttat ahte diekkár čoahkkanemiin geavvá nie.

Golmmas jápmán

Lei 22 jahkásaš etnalaš dánska dievdu guhte bážii olbmuid Fields gávppašanguovddážis Dánmárkkus sotnabeaivve eahkeda.

Son gottii golbmasa:

  • 47 jahkásaš ruošša stádaborgára gii orru Dánmárkkus
  • 17 jahkásaš dánskalaš nieidda
  • 17 jahkásaš dánskalaš bártni

Golmmas leat bahát roasmmohuvvan báhčaleamis, guoktasis ii leat heakkaheahti. Golbmalogi eará olbmo ges leat roasmmohuvvan, muhto eai heakkavárálaččat.

Dánska bolesat oaivvildit ahte sii leat soaittáhagas deaivvahallan báhčaleamis.

Válde jođánit gitta

Bolesat válde vearredahkki gitta oalle johtilit, go ledje ožžon daid vuosttáš dieđuid báhčimiid birra.

Son lea dál áššáiduhtton goddán, geahččalan goddit ja rihkkon vearjolága. Son biddjo háldogiddagassii psykiátralaš ossodahkii (lukket psyktriatrisk avdeling red.anm.).

Bolesat oaivvildit ahte vearredahkki ii leat ovttasbargan earáiguin, eaige loga dáhpáhusa terrordahkun.

Legger ned blomster ved Fields kjøpesenter måndag etter det var skyting ved senteret dagen før.

OLLU LIEĐIT: Olbmot bidjet liđiid Fields gávppašanguovddáža olggobeallái.

Foto: ANNEGRET HILSE / Reuters

Dattege eai dieđe vuos mii báhčima motiiva lea, ja manne lea báhčalan.

Dán diehtit vearredahkki birra : Kilder til DR: Skal ha forsøkt å kontakte en kriselinje kort tid før skytingen

Atnet videoid dutkkadettiin

Ášši dutkkadettiin atnet bolesat njeallje Youtube video veahkkin, dieđihit Jyllands-Posteni.

Videos oaidná nuorra luntta mas lea luođđabissu ja pistovla. Videoin lea teaksta nugo «I don't care» ja «Quetiapine doesn't work». Quetiapin lea dálkkas schizofreniija ja bipolara gillámuššii.

Personar som ventar på å kome inn på mottakssenteret etter skytinga ved Fields kjøpesenter i København.

OHCET VEAHKI: Olbmot vurdet beassat vuostáiváldinguovddážii, gos ožžot veahki maŋŋel báhčaleami.

Foto: Mohammed Alayoubi / NRK

Bolesat muitalit ahte videoin oažžu dieđuid psyhkalaš dálkasiid birra, ja ahte psykriatria oktavuođas dihtet dán olbmo birra. Muhto bolesat eai diehtán su birra maide ovdalaččas.

Videoid lei almmuhan suoidnemánu 1. beaivve, muhto eai lean šat oaidninládje sotnabeaieahkeda.

Eallin ii sáhte bisánit

Eira lei veaháš balus go iđđes galggai vázzilit bargui. Son lei háleštan bargoskihpáriin ahte lea várra buoremus bargat ruovttus dáid beivviid.

Goitge lei sutnje buorre fas boahtit bargui.

LIIKO VÁNDDARDIT: Eira vánddarda ollu Københámmanis, muhto ii loga eallin rievdá maŋŋel báhčalemiid mat gevve gávpeguovddážis.

LIIKO VÁNDDARDIT: Eira vánddarda ollu Københámmanis, muhto ii loga iežas eallima rievdat maŋŋel báhčalemiid.

Foto: Privat

– Dat lei hui buorre boahtit olbmuid searvái ja hállat dán birra.

Eira ii loga jáhkkit iežas eallima dahje árgabeaivvi rievdat, go eallin gal manná viidáseappot.

Korte nyheter

  • Dulves várrot

    Dulvev diedet. Visská dásse la vádádiededimen gå de ållo rásjov Nordlándan buktá – nuorttan Helgelándan ja oarjján Sálton. Diededibme l gasskavak rájes gitta duorastak idedij, diedet Varsom.no. Ávttjiji ulmutjijt diŋgajt gáhttit.

  • Henlegger sak om hund som ble skutt i Alta

    Politiet henlegger saken hvor hunden Kiira ble skutt i Alta i september i fjor. Det opplyser politiet i en pressemelding.

    Politiet mottok 25.09.2021 en anmeldelse etter at hunden Kiira ble skutt under en jakttur ved Jotka-området utenfor Alta. To personer ble siktet for å ha skutt hunden.

    – Politiet har foretatt en grundig etterforskning hvor det blant annet er gjennomført obduksjon av hunden, tatt avhør av de involverte og innhentet andre tekniske og taktiske bevis som belyser saken, skriver politiet.