Muhtun juovlasánit

Juovlaruohttabeaivi

Ja dat beaivi, mii lea ovdalis juovlabasiid, dat lea ruohttabeaivi, ja dan beaivvi eahket gohččojuvvo ruohttaeahkedin, ja dat lea váralaččamus eahket.

Jos dalle manat illudit ila fasttit, de dalle ihttohallet, ja jos dalle atná ila stuora ipmilmeahttunvuođa, de dat ihttohallet, vaikko leat stuora boares olbmot nai, go leat ila suruheamit ja ila unnán dihtet Ipmila sániid.

Muhto dat, geat dihtet ja muitet bajil lohkat Ipmila sániid, de daidda ii bastte Beargalat dahje Riehtis. (Johan Turi)

• Loga maid: Kristendommen har ikke betydning
• Loga maid: Juletanker i Karasjok

Juovlastállu dahje Julenissen

Otne soitet ollu viesut oaččut guossi dan beakkán juovlastálus. Muhto movt dat juovlastállu oaččui iežas nama?

Stállu:

Lea olbmo hápmásaš, áinnas borai olbmobierggu, váralaš, stuoris ja gievra ja sus leat vearjjut. Son fillehalai sápmelažžii. Ja son gilvalii áinnas. Muhto sáhttá maid leat geidosis, bahá vuoigŋa.

Julenissen:

Boahtá dasgo stállu ja Nils dahje St. Nikolaus leaba biddjon oktii. Dáčča máilmmis lea maid návetháldi, dat mii várjalii náveha.

Sámis geavahit iešguđetlágan nama Juovlastállui, nugo:

Julenissen = juovlanigá, juovlastállu, juovlaáddjá, ruohttaáddjá.

Juovlaborramušat

Makkár borramuš lea olbmuin beavddealdi otne? Eanas olbmuin lea várra náppošmeasttanas ja juovlaerttet.

Muhtin juovlaborramuš sánit:

• Juleribbe = juovlaerttet, spiinneerttet
• Pinnekjøtt = goastoerttet, goastolábbáerttet, goastosávzzaerttet
• Julegrøt = juovlasuohkat, juovlabuvru, risenrievdnesuohkat, risenrievdnebuvru, risensurbmebuvru
• Kålrabistappe = náppošmeasttanas
• Surkål = suvrragálla

Loga maid: Spenning for samiske barn i jula