Korte nyheter

  • Omikron buktá vuorjašumi

    Álttá suohkana váldodoavttir Ingunn Heggheim jáhkká dás ovddasguvlui njoammumiid lassánit suohkanis ja ahte Omikron virus čuohcá maiddái suohkana dearvvašvuođadoaimmahahkii. – Vaikko koronanjommun lea bisson dássedis dilis daid maŋemuš vahkkuid, de ii leat go áigegažaldat goas njoammun maid leavvagoahtá Álttás, lohká Heggeheim.

    Alta kommune, bybildet.
    Foto: Kai Erik Bull / NRK
  • Ráđđehusa ođđa bijut ja ávžžuhusat

    Dá leat ráđđehusa ođđa váldobijut ja ávžžuhusat:

    – Doala mehter gaskka earáide go lágasoktavuođaide

    – Doaluin, buvddain ja gávpeguovddážiin ain unnit olbmot

    – Ruovttus eai berre leat eanet go logi guossi. Juovlabasiid áigge beassá oktii bovdet 20 guossi, muhto berre leat mehter gaska gussiid gaskkas

    – Buohkat fertejit vuhtiiváldit galle lágasoktavuođa sis leat

    – Njálbmesuodjegáibádus sajiin gos ii leat vejolaš doallat mehter gaskka

    – Gaskaija rájes giddana alkoholavuovdin

    – Máksimálalaččat 20 olbmo priváhta doaluin almmolaš báikkiin

    Njálbmesuodjegáibádus ii guoskka mánáide, geat maiddái sáhttet bovdet badjel logi guossi ruoktut jus leat seamma joavkkus skuvllain ja mánáidgárddiin.

    Bijut ja ávžžuhusat doaibmagohtet juovlamánu 9. beaivve rájes, ja doibmet njeallje vahkku.