Sámi indie musihkka
Jagi 2004 rájes lea Mollet buvttádan sámi musihkka maid ii sáhte gohččodit eará go Sami indie musihkkan.
Sin musihkkahábmái ii gávdno eará gilvaleaddji sámis, ja sii leat buvttadan juoga maid sápmi lea guhká váillahan.
Sii leat lihkostuvvan bures, vaikko hálddašit buot ieža ja eai leat čadnon ovttatge musihkkalágádussii.
Ambisiøsa namma
- Lea álgun min boahttevaš skearrui mii boahtá Mollet joavkku bidjat sámi musihkka njunnosii, lohká vokálistta Per-Josef Idivuoma.
Čoahkkálmasa leat váljjen gohččodit “Dah bänna mii tsjuojahii lei dah buoremus”, ja ruoŧŧagilli šaddá "Bandet som spelade var det bästa". Oalle ambisiøsa namma mii daguha ahte šattan sáhkki gullat eambbo sis.
- Dát golbma lávlaga, Aile, Olles Ija ja Sami dream bohtet čuohcit buohkaide nu garrasiid ahte lea váttis daid vajálduhttit, lohka rumbučuojaheaddji Sammol Idivuoma.
MySpace
Lávlagat bohtet guovtti vahkkui gávdnot Mollet joavkku MySpace siiddus, gos sáhtát viežžat daid nuvtttá, ja álgga lea dál mannodaga 26:atbeaivve.
Geassemánu 9:at beaivve giddejuvvo nuvttá viežžan, ja dan rájes sáhtát oastit lávlagiid iTunes Store bokte.
Mollet joavkku sáhtát návddašit Gironfestivalas geassemánu 26. beaivve.