Moittii Sámedikki

Ovddadusbellodaga sámediggeáirras Arthur Tørfoss moittii Sámedikki Ovddadusbellodaga riikačoahkkima sárdnestuolus ikte. Erenoamažit garrasit moittii son Sámedikki vuostecealkinvuoigatvuođa, dieđiha bellodat preassadieđahusas.
– Sámedikkis lea vuostecealkinvuoigatvuohta plána- ja huksenlága ektui ja kulturmuitolága ektui, muhto háliida maid vuostecealkinvuoigatvuođa oljo ja gássa doaimmaid ektui, guolasteami ja ruvkedoaimmaid ektui davvin, váruhii Tørfoss.