Moaitta boazolohkan vuogi
Norgga boazosápmelaččaid riikkasearvvi jođiheaddji Ellinor Marita Jåma moaitta Finnmárkku fylkkamánni boazolohkan vuogi. Buot bohccot galget lohkkot, muhto máŋgii lea nu šaddan ahte ii leat vejolaš čađahit boazolohkamiid, lohká Jåma. NRK jearahalai ođđajagimánus boazodoallit, geat lohke bohccuid jápmán dan geažil go šadde caggat ealu ja vuojehit gárdái vai besset daid lohkat.