NRK Meny
Normal

Moaitá Finnmárkku buohccivieso stivra

Sámediggeráđđi Henrik Olsen moaitá dan go Finnmárkku buohccivieso stivra áigu guorahallat mot šattašii jus sirdet buot jándorsajiid gárrenmirkodivššus Kárášjogas Áltái, ja psykiatriija jándorsajiid ges Leavnnjas Detnui.

Finnmarksklinikken i Karasjok

Finnmárkku buohcciviesu stivra mearrida boahtte vahku stivračoahkkimis galgá go biddjot johtui čielggadanbargu dan ektui ahte sáhttá go čohkket gárrenmirkodivššu Áltái.

Foto: Tor Egil Johansen

Stivrra árvalus mearkkaša ahte bilidit SÁNAGA fálaldaga ja nu maid fálaldaga sámi buhcciide ja sámi servvodahkii.

Galget Mearridit boahtte vahkus

Finnmárkku buohcciviesustivra mearrida boahtte vahku stivračoahkkimis galgá go biddjot johtui čielggadanbargu dan ektui ahte sáhttá go čohkket gárrenmirkodivššu Áltái, ja dat mearkkawa ahte Finnmárkku klinihkka sirdojuvvo Kárášjogas Áltái.

Galget maid čielggadit sáhttet go sirdit

Sii galget maid čielggadit sáhttet go sirdit Leavnnja sajiid Detnui, dan sadjái go Kárášjohkii nugo njukčamánus dán jagi mearridedje dahkat. Nu čilge Finnmárkku buohcciviesu stivrajođiheaddji Ulf Syversen.

Bissehit Finnmárku klinihka viiddideami

Jus čielggadeapmi mearriduvvo, de bissehuvvo Finnmárku-klinihka viiddideapmi ja nuppástuhttin Gaska-Finnmárkkus dassážii go čielggadeapmi lea dahkkon. Čielggadeapmi sáhttá váikkuhit sámi dearvvašvuođapárkii ja SÁNAGa ovdáneapmái.

  • Guldal olles ášši: