NRK Meny
Normal

Lea go dát Reinaldo dahje Messi?

Geahča man čeahppi miessi lea spáppastallát.

Miessi mii spappastalla

Geahča movt miessi láhtte go spábba fierrala njune ovdii.

Máret Inger Anti tenkte hun ville gi en liten utfordring til kalven, og sparket ballen til den. Kalven viste ballkunstner som har fått mange til å kommentere kalven som Reinaldo og Messi på facebook-siden til Anti. Kalven ble etterlatt av simla under vårflyttingen. Nå tar Anti vare på den, og det har hun ikke angret på. Det er nesten som å ha to babyer, sier hun.

Čievččastii spáppa miessái

Máret Inger Anti lei olgun mánáin go fuomášii hástalit miesáža.

– Mun áigon geahččat movt miessi láhtte jus spáppa čievččastan dasa.

Badjel mánnosaš boares miessi spáppastallágođii nugo videos oainnat, ja gii lei jáhkkit ahte dat lei nie čeahpes spáppastalli.

Deavdá go Ronaldo skuovaid Madriidas

Okta dain máilmmi buoremus spáppačikčiin Cristiano Ronaldo lea suhttan Spania eiseválddiide, go leat guorahallagoahtán lea go son njihtan vearroruđa. Seammás čálášit aviissat dan ahte son sáhttá guođđit Real Madrid joavkku dán geažil.

Jáhkátgo ahte du miessi sáhtašii deavdit Ronaldo skuovaid Real Madridas?

– Na in mun dieđe, muhto oidnojit issorasat čállimen Facebookas ahte dat heivešii vaikko gosa, vástida Máret Inger buriin mielain.

Son lea almmuhan Facebookii video mas miessi spáppastallá. Sotnabeaivve ledje badjel 273 olbmo juohkán video. Máŋggas leat maid kommenteren ahte lea go dát Reinaldo vai Messi Máret Ingera facebook-siidui

Dego guokte máná

Kalv og Kaia Martina

Máret Ingera nieiddaš Kaia Martine(11 mánnosaš) ja miessi.

Foto: Privat

Máret Inger čilge ahte eai leat dušše gehppes árgabeaivvit go miessi lea viesus.

– Na dat láve nu leahkit ahte jus mánná lihkká ihkku, de son boktá miesi. Ja de ferten mielkedoahtu ordnet goappašagaide. Manná oanehaš, de sáhttá miessi lihkkan ges ja son boktá máná, ja de ferten vuot nohkkadit goappašagaid, muitala son.

Eadni goitge liiko hui bures ovddasvástádussii maid son oaččui giđđat.

Áldu guđii miesi

Máret Inger Anti válddi várá miesážis mii giđđat šattai oarbbisin, go áldu guđii dan Lákkonjárgga orohaga guottetbáikkis, láhka Máze, Guovdageainno suohkanis.

– Sii geahččaledje vuordit 12 diimmu miesi láhka, muhto áldu ii dihtton.

– Mu irggi eanu lei sádden miesi mu irggi mielde mu lusa, jearaldagain ahte sáhtán go mun váldit várá das. Ja go mus lea eatnipermišuvdna, de heivii hui bures váldet vuostá dan, dadjá Máret Inger.

Reinaldo dahje messi

Marit Inger Anti

Máret Inger Anti

Foto: Privat

Máret Inger muitala ahte son láve miesi čurvet "miesi" namahusain iežas lusa, ja dat lea oahppan gullat dan nama.

Don it leat bidjan vel nama miessái. Jus fertet válljet Reinaldo dahje Messi, goappa vállješit?

– Na mun in beroš dette nu olu spáppačiekčamis, muhto mun vállješin "Messi", danin go dat namma lea lagabus miesi nama, maid dat juo dovdá, vástida son movttegit.