Danin livččii buorre jus Ohcejogas gávdnošedje diamánttat. Dan oaivvilda Suoma sámediggeáirras Veikko Guttorm
Irlándda ruvkefitnodat dat lea ožžon lobi ohcat diamánttaid Ohcejoga guovllus. Dát lea Suoma Sámedikki áirasa ja Ohcejoga ovddeš sátnejođiheaddji, Veikko Guttorma mielas buorre diehtun.
- Dat lea dainna lágiin buorre go dat han buktá bargosajiid, ja dat han dáppe váilot, lohká Guttorm.
Lea maid suhttadan oallugiid
Muhto ođas lea maid suhttadan olusiid, earret eará Ohcejoga dálá sátnejođiheaddji Aulis Nordbergga.
– Ruvkefitnodat heive hui hejot Deanuleahkái. Suomas leat leamaš heajos vásáhusat ruvkefitnodat doaimmaiguin, luonddu dáfus. Luondu lea máŋgga sajis billašuvvan ruvkefitnodagaid dihtii, lohká Nordberg.
Guldal olles ášši: