Dán beaivvi galggašii illudit

Njukčamánu 20. beaivi lea «máilmmi illubeaivi», dan lea ON oktasaščoahkkin mearridan 2011:s.

Publikum oppførte seg eksemplarisk under Midnattsrocken i Lakselv.
Foto: Mathis Eira / NRK

ON neahttasiiddus lea čilgejuvvon nu ahte lea našuvnna bargun fuolahit ahte olbmuin lea dohkálaš eallin ja buorre dilli.

NuFal lea finadan Kárášjoga joatkkaskuvllas gulaskuddamin nuorain dihtet go sii dán beaivvi birra ja mo sii áigot čalmmustahttit máilmmi illubeaivvi.

Moddjás beaivi

Aili Kathrine Wergeland Teigmo

Aili Kathrine Wergeland Teigmo

Foto: Máret Ingá Smuk / NRK

Dieđát go mii dát beivviid lea?

A'a

Mo áiggut illudahttit earáid dán beaivve?

– Áiggun moddját ja addit čázi earáide.

Jurddašat go dihto olbmo birra dán beaivve?

Jo, muhto in muital gii son lea.

Áiggun moddját ja addit čázi earáide.

Aili Kathrine
Mia Márjá Somby

Mia Márjá Somby

Foto: Máret Ingá Smuk / NRK

Dieđát go mii máilmmi illubeaivi lea?

– In leat in goassege gullan dan birra.

Mo áiggut illudahttit earáid dán beaivvi?

– Mun áiggun leat šiega, moddját ja rámidit earáid.

Lea go oktage, gean áiggut erenoamážit illudahttit?

– Jo, muhto in muital gii. Áiggun várra málestit sutnje.

Lea dehálaš čájehit beroštumi.

Mia Márjá
Henning Anti

Henning Anti

Foto: Máret Ingá Smuk / NRK

Maid don áiggut máilmmi illubeaivvi?

– Mun áiggun moddját buohkaide, dearvvahit buohkaid, áiggun leat somás olmmoš ja vel oastit borramuša skuvllas buohkaide.

Lea go dehálaš beroštit nuppis?

Jo, dat addá buori dovddu nubbái.

Jo, dieđusge dieđán mii dát beivviid lea.

Henning
Johan Samuel Nedrejord

Johan Samuel Nedrejord

Foto: Máret Ingá Smuk / NRK

Leat go gullan máilmmi illubeaivvi birra?

– Jo, gullen eske dás skuvllas dan birra.

Lea go oktage, gean erenoamážit áiggut illudahttit?

– Jo, mu buoremus ustiba, gii justa dál lea johtimin.

Lea go dehálaš čájehit beroštumi nubbái?

– Na lea, muhtumat dárbbašit eanet beroštumi go earát omd. dat, geain eai leat nu olu skihpárat dahje dat, geain lea lossa dilli.

Áiggun rávkat buorre beaivvi ja buorrestit buohkaid.

Johan Samuel
Mailinn Anti Eira

Mailinn Anti Eira

Foto: Máret Ingá Smuk / NRK

Mo áiggut movttiidahttit earáid?

– Áiggun moddját, lohkat «hei» ja rámidit earáid.

Jurddašat go dihto olbmo birra dán beaivve?

– Soaitá eatni ja irggi birra.

Mo don sudno áiggut illudahttit?

– Leat šiega etniin, málestit ja eadni liikošii jus bihtáid vel barggašin. Irggiin ges áiggun ovttastallat.

Lea dehálaš čájehit beroštumi earáide. Dat addá buori dovddu sidjiide ja sáhttá maid buoridit sin beaivvi.

Mailinn