NRK Meny
Normal

Mieđiha čuggen niibbiin

Muhto 17-jahkásaš nieida ii mieđit goitge leat sivalažžan áššáiduhttima mielde.

En 17 år gammel jente er siktet for forsettlig drap
Foto: Sørensen, Hans Petter / SCANPIX

17- jahkásaš nieida Ruovatvuonas lea áššáiduhtton iešmielat goddán 29 jahkásaš dievddu lávvordaga.

Muhto son ii mieđit leat sivalažžan iešmielat goddán su, lohká nieidda bealušteaddji John Erik Nygaard:

GULDAL: 17-jahkásaš mieđiha leat čuggen

Lávvordat iđida dat gávdnui 29 jahkásaš olmmái jápmán Utskarpen nammasaš báikkážis Ruovatvuonas, dárogillii Rana, Nordlánddas. Dál lea 17 jahkásaš áššáiduhtton leat goddán su. Politijat eai navdde earáid leat sivalažžan.

Politijat dáhttot su dál bidjat háldogiddagassii. Biddjo go, dan mearrida Ruovavuona diggegoddi odne. Muhto niedda bealušteaddji oaivvilda son lea beare nuorra rájusgiddagasas čohkkat, ja gáibida ahte politijat gávdnet eará saji sutnje.