NRK Meny

Merkejit mearralottiid

Unna elektruvnnalaš mearkkaš, maid bidjet juolgái, galggašii dutkiide muitalit, gos mearralottit girdet ja makkár mearraguovlluid atnet. Oktiibuot áigot dutkit mearkut ja čuovvut logiduháha mearralotti. Davvi-Norggas dutket lottiid Várggáin Finmmárkkus, Rittis Romssas ja Røstas Lofuohtas. Birásdirektoráhta seniorráđđeaddi Morten Ekker lohká bohtosiid šaddat dehálažžan. Daid vuođul oidnet mii guovlluin dáhpáhuvvá, ja mot dát váikkuha lottiide.