Oanehaččat

  • Geahpidit leansmánnikantuvrraid

    Dál áigot árvalit geahpidit leansmánnikantuvrraid ja politiijastašuvnnaid logu Romssa fylkkas. Odne leat 13 bálvalusbáikki Romssa fylkkas. Politiijameašttir Ole B. Sæverud sádde golggotmánu logát beaivvi su árvalusaid gulaskuddamii. Stuoradiggi lea dadjá ahte ovtta politiijaguovllus galgá 90 proseantta ássiin leat vuodjináigi 45 minuhtta dahje unnit, lagamus leansmánnikantuvrii dahje politiijastašuvdnii.

  • Háliida geahpidit suohkanlogu

    Finnmárkku fylkamánni háliida geahpidit suohkanlogu fylkkas, viđanuppelohkái. Dat boahtá ovdán fylkamánni ávžžuhusas, gos lea čállon boahtteáigásaš suohkanstruktuvrra birra, ja maid son odne ovdanbuktá. Son ávžžuha Fálesnuori ja Hámmárfeasta, Áltá ja Láhppi, Gáŋgaviika ja Davvesiidda, ja vel Unjárgga ja Deanu eaktodáhtolaččat ovttastuhttojuvvot. Guhkesáigásaš mihttu lea maiddái ovddidit Finnmárkku 5-6 regiovnnaid vuosttá, čállá fylkamánni su guorahallamis.

Laster Twitter-innhold