Korte nyheter

  • Mortensson Raasten Rastah festválii

    Plassjes Mátta-Sámis leat ráhkkaneamen lágidit logát rájáhis Raasten Rastah festivála. Dán jagi prográmmas leat dáhpáhusat, bargobájit ja aktivitehtat mánáide, nuoraide ja ollesolbmuide. Festiválas čuojahit ISÁK joavku ja Marja Mortensson ovttas Kringkastingsorkesteran. Nuoraidkonsearttas čuojaha Article 3 joavku. Raasten Rastah festivála lágiduvvo čakčamánu 30. beaivvis golggotmánu 3. beaivái, čállá Raasten Rastah neahttasiiddus.

    Toppen av hodene til kinotittere på åpningen av Raasten rastah filmh.
    Foto: Emmi Alette Danielsen / nrk
  • Besset válljet boahkuid

    Norgga álbmot beassá dál válljet guđe boahkuid bijahit, go lea doarvái boahkut, nu dieđiha Álbmotdearvvašvuođainstituhtta preassadieđáhusas.

    –– Vaikke lea seamma bures suodjaluvvon go seaguha boahkuid, de diehtit ahte muhtumat háliidit boahkuhuvvot seamma boahkuiguin guktuid háviid. Dál go mis lea doarvái sihke Pfizer ja Moderna boahkut de sáhttet gielddat fállat álbmogii daid boahkuid maid sihtet, lohká Álbmotdearvvašvuođainstituhta veahkkedirektevra Geir Bukholm.

    Vaksinering Eikefjord barne- og ungdomsskule.
    Foto: Nils Ole Refvik / NRK
  • Geahčadit mo čoavdit jammema

    Dál áigot iskkat mo ođđaáigásaš fievrrideami teknologiija birge jammenfallehemiin. Stáhta geaidnodoaimmahat ja Suodjalusa dutkaninstituhta lágidit iskkademiid ja ohcet čovdosiid dán lassánan sihkkarvuođahástalussii. Jammen lea go muosehuhttet dahjege cagget radio- ja GPS-signálaid.