NRK Meny

Mearridii viimmat sámegielnama

Áhkanjárgga gávpotstivra lea odne almmolaččat mearridan gávpoga ja suohkana sámegielnama. Dán ášši leat guovllu politihkkárat ja olbmot digaštallan máŋgga jagi. 2011:s mearridii gávpotstivra áibbas eará, nammalassii ahte gávpogis ii galgga leat sámegielnamma. Áhkánjárgga sátnejođiheaddji Rune Edvardsen (Bb) lea okta dain geat leat jorggihan áššis das rájes. – Eat sáhte iežamet historjjálaš duogáža šat joatkit čiehkat, dajai odne maŋŋá suohkanstivrra mearrádusa.