Mearrasámi gilážis illudit

Njereveaji geainnu guhkidišgohtet fas dán vahkus Gáŋgaviikkas. Gili ássit illudit juohke áidna ođđa geaidnomehteris.

Byggingen av Nervei-veien
Foto: David Frode Nilsen


Njereveaji ássit leat juo máŋgalot jagi oččodan geainnu gillái. Gili ássit illuditge dál juohke áidna ođđa mehteris mii huksejuvvo.

– Geaidnu lea issoras dehálaš njereveajelaččaide ja sin boahtteáigai. Dat orru dego livčče juolvaruohta, ođđajageruohta ja Sámi álbmotbeaivi oktanaga, illuda Solfrid Pettersen.

GULDAL: Njereveajis illudit

Geaidnobargguide lea várrejuvvon ruhta dán jahkái njeallje miljon ruvnnu. 14 kilomehtera guhkkosaš geainnu árvvoštallet máksit sullii 30 miljon ruvnnu.

Njeareveajis leat birrasii 40 ássi. Sii dárbbašit njuolggooktavuođa duoddara badjel Detnui. Boazodoalluges ii sáhtáše massit eanet guohtoneatnamiid.

– Dát leat hui šallošahtti ja son sávašii, ahtte boazosámit ja mearrasámit soabađisgoađašedje geaidnuáššis, Pettersen lohká.