Hopp til innhold

Mearrádus heaittihit Norgga ambassada Guatemalas bisuhuvvo

Norgge Sámediggi deaivavdii ikte Olgoritdepartemeanttain ságastallat Guatemala ambasasda heaittiheami birra.

Mayakvinner marsjerer inn i Guatemala by med blomster i hånd

Čájáhusgovva. Mayanissonat čoagganan miellačájeheapmái Guatemalaš gávpogis.

Foto: Prensa Comunitaria

Aili Keskitalo

Sámediggepresideanta Aili Keskitalo (NSR).

Foto: Ewa-Mari Hedman / NRK

– Ambassada heaittihanmearrádus bisuhuvvo, muitala sámediggeráđi ráđđeaddi Runas Myrnes Balto NRK Sápmái. Son dat deaivvadii olgoritdepartemeantta ovddasteaddjiiguin Oslos ikte.

Norgga olgoritdepartemeanta mearridii boahtte jagi stáhtabušeahta gieđahallama oktavuođas heaittihit Norgga ambassada Guatemalas, mii lea leamaš doaimmas jagi 1997 rájes.

– Dát ambassada heaittihuvvo politihkalaš vuoruhemiid ja bušeahttalaš rámmaeavttuid geažil, čilgii olgoritministtar Børge Brende go árvalus almmuhuvvui.

Utenriksminister Børge Brende

Olgoritministtar Børge Brende (Olgeš).

Foto: Grøtt, Vegard Wivestad / NTB scanpix

Guatemala ambassada lea okta viđa ambassadas mii boahtte geasi rájes heaittihuvvo.

Sámediggepreseadeanta, Aili Keskitalo, lea ovdalaš cealkán ahte livččii dehálaš bisuhit ambassada.

– Norga lea leamaš mielde nannemin Guatemala olmmošvuoigatvuođaid. Dál ballat ahte dát bargu bisána ja hedjona, celkkii Keskitalo go gulai Norgga áigomušain heaittihit ambassada.

Olgoritdepartemeantta stáhtačálli, Morten Høglund, čilge ahte Norga dás rájes áigu bargat Guatmala olmmošvuoigatvuođaiguin Norgga Meksiko ambassada bokte.

Publisert

Mer fra NRK Sápmi

Korte nyheter

  • Ođđasat - norsk

    Godkjente gruve – selv om grunneier sa nei

    Loga sámegillii.

    Sveaskog, Sveriges største skogseier og eid av den svenske stat, avslår gullgruven i nærheten av Gunnarn i Storuman kommune i Västerbotten.

    Sveaskog ber om å verne området fra skoghogst.

    Selskapet Lappland guldprospektering fikk i 2017 tillatelse til å grave etter gull og søl i Stortjärnhobben, sør for Storuman.

    Bergforvaltningen har godkjent arealbruken til selskapet – selv om grunneier Sveaskog og Naturvernforbundet ikke har sagt seg enig i det.

    Nå har Sveaskog klaget inn beslutningen. Det melder SVT Sápmi.

  • Ođđasat - Davvisámegillii

    Dohkkehedje ruvkki – vaikko eananeaiggát ii dáhtui suddjet guovllu

    Les på norsk.

    Ruoŧabeale stáhta meahccefitnodat Sveaskog hilgu golleruvkke Viertá gili lahkosis, Luspie gielddas, Västerbottenis.

    Sveaskog dáhttu suddjet ja várjalit guovllu vuvddiid čuollamis.

    Lappland guldprospektering nammasaš fitnodat oaččui 2007:s juo lobi roggat golli ja silbba Stortjärnhobbenis, moadde beanagullama máttabeale Luspie gili.

    Báktedoaimmahat lea dohkkehan eanangeavahanlobi fitnodahkii – vaikko eananoamasteaddjit Sveaskog ja Luonddugáhttendoaimmahat eai leat mieđihan dasa.

    Dal Sveaskog lea váidalan mearrádusa. Dan dieđiha SVT Sápmi.

  • Ođđasat - Davvisámegillii

    Guokte ođđa guovžža duođaštuvvon Kárášjogas

    Les på norsk.

    2023 geasi čohkkejuvvojedje guolgaiskosat 400 njealjehasmehtera sturrosaš guovllus Kárášjoga gieldda guovddážis, erenomážit máttabeale Kárášjoga.

    Oktiibuot gávdne logi guovžža Kárášjoga máttabeale ohcanguovllus. Guokte eanahága ja gávcci ásti.

    Dát lea veahá unnit go 2022:is, dalle gávdne 12 guovžža. Dan dieđiha Norgga bio-ekonomiija instituhtta (Nibio).

    – Guokte guovžža eat leat ovdal registreren dán guovllus. DNA bearašanalysa čájehii ahte dán guovžža guoktá váhnemat leat báikkálaš guovžža, dadjá Nibio Svanhovd laboratoriajođiheaddji Ida Marie Bardalen Fløystad.

    – Oktiibuot leat mii registreren 34 guovžža dán guolgaiskanprošeavttas Kárášjogas dan vuosttas prošeavtta rájes, 2009:is, dadjá Fløystad.

    Govva lea váldon 2020:is:

    Bjørn ved en hårfelle i Karasjok
    Foto: Viltkamera: Per Anders Eira og Kurt Are Nikkinen

Langlesing

Gahčosat

  • Telefon Kárášjohka:  78 46 92 00
  • E-post:  sapmi@nrk.no
  • E-post nyhetsredaksjon:  saminyhetsavdeling@nrk.no
  • Redaktør NRK Sápmi:  Johan Ailo Kalstad
Norsk Presseforbund, logo.

Vi arbeider etter
Vær Varsom-plakatens regler
for god presseskikk.

Den som mener seg rammet av urettmessig publisering, oppfordres til å ta kontakt med redaksjonen. Pressens Faglige Utvalg (PFU) er et klageorgan oppnevnt av Norsk Presseforbund som behandler klager mot mediene i presseetiske spørsmål.

Nyhetstips 03030

Kontakt

Hjelp

Tjenester

Produksjon

Salg

Til toppen