– Ulmusj vahágahteduváj ja Bådåddjo skihppijviessuj vuojeduvvá gånnå guoradaláduvvá, diededij Hábmera bulkkeoajvve Aslak Finvik iektu NRKaj.
Finvik ij jáhke ulmusj alvosláhkáj vahágahteduváj.
– Sån la vieddje, valla sujna l nårån vehi bávtjas danen gå syhkkala vuolláj bådij.
- Lågå aj:
– Suojmma vuojij
Iektu 14-bájken dát dáhpáduváj.
– Nieljes suomas aktan vuodjin gå akta syhkal gávak rahten gåbmånij. Vuoddje ij lim vuollagin ja suojmma vuojij, diedet bulkkeoajvve.