Elin Moldekleiv orru Leavnnjas, dálvebottaid ráhkadaddá son mátkemuittuid maid vuovdá geassit turisttaide.
Čoggá luonddus liđiid ja eará ávdnasiid
Moldekleiv čoaggigoahtá juo giđđat lieđážiid mat ihtet bovnnaide luonddus. Erenoamážit geavaha son alitnártti iežas čiŋaide, dát lea binna banna smávva lieđaš mii arragiđas juo lieđđugoahtá.
Goikada ja hápme mátkemuittuid
Elin Moldekleiv goikada liđiid ja lasttaid maid čoaggá. Dát lea sierranaš vuohki, mii dagaha dan ahte lieđis bissot ivnnit. Ja dávjá lea lieđđi oaidnit dego livččii ain leat áiđđo vižžon luonddus.
Turisttat osttet su čiŋaid muitun
Hámmarfiesttas fitnet turisttat geat mátkoštit turisttafatnasiiguin. Sii diehtalasat fitnet geahčadeamen ja oasttimin mátkemuittuid go bisánaddet hápmaniidda. Elin Moldekleiv illuda go dákkááraš fátnasat bohtet, go dalle diehtá ahte jođiha gálvvus bures.