Masá suoláduvvui mánnán

Gula Ánte Mihkkal Gaup muitaleamen fieránis

Áilloš lei gárvodan nugo oaidnit su mánnávuođagovas Yoikur cd- coveris. Das oaidnit su gávttiin ja ruossalasliinniin.

Turisttenbáikkis geasseorohagas

Áilloža bearaš láve turisttaide vuovdit sámi gálvvuid. Ja turisttabusset bissánadde dávjá sin gođiid lusa vai tuiristtat besse geahčadit ja oasttit mielde muittuid sámis.

Olu busset bissánan

Muhtin beaivve ledje olu turisttabusset bisánan, muitala Áilloža boarrasat viellja Ánte Mihkkal Gaup. Turisttat geahčadedje ja maiddái ostte eatnestis dujiid. Fáhkkestaga váillahišgođii son Áilloža. Son bija sutno Niillasiin ohcat unna vielljaža.

Turisttabusses gávdnui Áilloš

Soai Niillasiin viegaiga bussiid gaska ja ožaiga unna vielljaža, muhto son ii gávdnun gosge. Fáhkkestaga lohká Niillas ahte unna vielljaš lea dan buot maŋimuš busses. Viellja jávkkihii dan bussii ja gulai máná čierrimin busses. Maŋŋegeahčen lei Áilloš čihkkon čáhpes fráhka vuollái. Viellja rábádii Áilloža sallii ja viehkalii suinna olggos busses, nu fitniiga soai Áilloža eret busses.

Dánska- dahje Duiskabusse

Ánte Mihkkal Guap muitá dien fierána bures, dat lea ceggan su muitui. Iežas muitá vel čállán busse šiltanummira sáddui. Dan čálii son vai diehtá makkár bussii su viellja manai ohcat unna vielljaža. Ainnat jos busse vuoddjái, de livččii dát maiddái dolvon sus nuppi viellja maid.

Livččii go dál beakkánis ártistta?

Ánte Mihkkal Gaup ii dieđe riekta mii unna vielljažiin livččii geavvan jos dát turisttat livčče dolvun su. Leaikkastalla gal ahte son de soaittášii leat beakkánis ártistta Duikkas dahje Dánmárkkus. Gii dan diehtá, bohkosa son.