NRK Meny
Normal

Márkomeannofestivála boktán sámi iešvuođa Skániid guovllus

Márkomeannofestivála mii dál lágiduvvo 18. geardde Skániid suohkanis, lea boktán guovllu olbmuid sámi iešvuođa. Ollugat leat hállagoahtán sámegiela ja sápmelaččat eai šat cuiggoduvvo fuonibun go eará olbmot, lohká festivála buvttadeaddji.

Susanne Amalie Andersen

Susanne Amalie Langstrand-Andersen lea Márkomeannofestivála buvttadeaddji. Dál lea dán geasi festivála prográmma gárvánan, muhto almmuhuvvo easka lávvardaga miessemánu 28.beaivvi.

Foto: Karen Inger Lise Anti / NRK

Amoc, áidna ráppar máilmmis gii ráppe anársámegillii,

Amoc, áidna ráppar máilmmis gii ráppe anársámegillii, son ráppe Márkomeannofestivalas dán gease.

Foto: Privat

Lávvardaga almmuhit «Márkomeannofestivála» prográmma, go dál lea visot čielggas. Ii buvttadeaddji muital dáđi eanet prográmmas ovdal lávvardaga. Sii leat gal ovdalis muitalan muhtin namaid earet eará Agnete Johnsena, Agy ja Amoka, lohká buvttadeaddji Susanne Amalie Langstrand-Andersen.

Lágidit bargobáji nuoraide ja ollesolbmuide

Bargobájis gal muitala, doppe galget oahppat gárvodit ja láhttet seammaláhkai go nubbi sohkabealli. Iežaset lohká fuomášan dán maŋŋil go álggahedje ovttasbarggu Hålogalándda teáhteriin.

Bargobájis sáhttá ságastallat earret eará sohkabeliid áššiin, dahje dás sáhttá dego digaštallat mo heivešii teáhteračájálamasa das ráhkadit. Susanne Amalie Langstrand-Andersen oaivvilda dás leat olu eará vejolašvuođaid maid, nugo mat oahppat neavttašeami, ja dás oaččošedje maid eanet áddejumi das mo nubbi sohkabealli jurddaša, manne isit dahje eamit láhtte nu go son láhtte.

Márkomeannu lágiduvvon ollu gerddiid

Márkomeannu.

Márkomeanno lea lágiduvvon 17 geardde, lávvardaga almmuhuvvo dán jagi prográmma. prográmma

Foto: Márkomeannu / John Henry Storhaug

Márkomeanno lea lágiduvvon 17 geardde. Áibba álggus lei dán festiválas boddu, ja de lei fas boddu 2014s. Dan válde danne go lágideaddjit dárbbašedje vuoiŋŋastit. Muhto dál sii gal fas leat olles doaimmas, ja sidjiide Skániin lea dát festivála dehálaš.

Langstrand-Andersen oaivvilda ahte jos Márkomeannofestivála ii livčče, na de ii livčče sámevuohta nu ealas sin guovllus. Son oaivvilda dáid riemuid boktán sámevuođa fas Skániid servodagas. Feastivála lea leamaš mielde riedadeamen guottuid sin guovllus, ja ollugat leat fas fuomášan iežaset iešvuođa. Mánggas leat hállagoahtán sámegiela, ja eaige šat cuiggot sámiid leat heajut olmmožin go earát. De ollu lea rievdan justa das rájes go Márkomeannofestivála lea álggahuvvon márkosámi guovllus Skániin, muitala Márkomeannofestivála buvttadeaddji Susanne Amalie Langstrand-Andersen.