Olu estehtalaš árbevierut ja dáiddalaš ovdanbuktinvuogit doibmet ovttas su giddejeaddji ja
čalbmáičuohcci govain ja videobargguin.
Helandera maŋimuš prošeakta «Silence – Jaskes eatnamat» doalaha fáttá fokusa Davvikalohta eanadagaide, earenoamážit dainna go geahččala gávdnat industrialiserema váikkuhusaid, ja erenoamážit mo ruvke- ja čáhcefápmoindustriija lea váikkuhan guovlluide ja eatnamiidda ja daid historjjálaš ja dálá dillái ja boahtte áiggi gáttuide.
Silence lea viiddiduvvon eksistensiála (leahkima), sosiála ja politihkalaš portreahtta davvi eanadagain, hábmejuvvon Helandera miellaláhkedievasmahtti ivnniiguin ja allegoralaš videobargguin, čállá Sámi dáiddaguovddáš preassadieđáhusastis.
Čájáhus rahppo ihttin Sámi dáiddaguovddážis Kárášjogas.
Marja Helander eallá ja bargá Helssegis, Suomas. Sus lea Master govvemis Alvar Aalto
Universitehtas.
Son bargá eanemus govaiguin ja videoiguin, mas su dáidaga guovddáš fáddán
leat Sámi eanadagat, govahallamat identitehta birra mat leat čadnon sámi ja oarje- máilmmi
kultuvrii, sohkabeliide ja máttuide.
Marja Helander lea oassálastán sierra ja joavkočájáhusain riikkaidgaskasaččat – earret eará Kanadas, Duiskkas ja skandinaviijalaš riikkain loahpa 1990-logu rájes.
Su dáidagat gávdnojit olu almmolaš čoakkáldagain Skandináviijas.