Mari Boine lea studioguossin miessemánu 2. beaivvi Luo-Mus Máilmmi nuppi oasis. (Musihkka lea čuhppojuvvon!)
Son lea okta moatti sámi artisttas gii bargá ja ealiha iežas dušše fal musihkain.
Son lea dat sámi artistta gii lea almmuhan eanemus cdaid.
Son lea ožžon golbma Spellemann-bálkkašumi rabas luohkás. Daid oaččui son; 1989 "Gula Gula", 1993 "Goaskinviellja" ja 1996 "Eallin" cdaid ovddas.
Dá lea oassi Mari Boine musihkka-doaimmain:
- 1980 Peder A. Persen álggahii Báktegája. Joavkkus ledje mielde Mari Boine, Peder A Persen, Herman Klemetsen, Berit Sofie Klemetsen, Irene Birkeli ja Ester Voll. Jagi maŋŋil šattai joavkkus ođđa namma, Poršáŋggu lávlunjoavku. Joavku heaittihuvvui 1982s.
- 1985 "Jaskatvuođa maŋŋá" LP.
- 1989 "Gula gula". Vuosttaš sámi CD!!
- 1991 "Salmer på veien hjem", Mari Boine, Kari Bremnes ja Ole Paus.
- 1992 "Møte i Moskva". Mari Boine ja Allians joavku.
- 1993 "Goaskinviellja"
- 1994 "Leahkastin"
- 1996 "Eallin"
- 1996 "Radian warmth", almmuhuvvon Ámeriikkas.
- 1998 "Bálvvoslatnja"
- 2001 "Ođđa hámis - Remixed"
- 2002 "Gávcci jahkejuogu - Eight seasons"
- 2006 "Idjagieđas - In the Hand of the Night"
- 2007 Ráhkadii musihka Nils Gaup filbmii "Guovdageainnu stuimmit"
- 2008 "It Ain't Necessarily Evil - Mari Boine Remixed Vol II"
Lassin buot dieidda, lea Mari Boine oasálasttán eará artisttaid almmuhemiide. Son ja Áŋŋel Nuorat ráhkadedje juovla-káseahta birrasit 1986. Earret eará lávlu son sámegillii Åge Aleksandersen lávlagis "Rosalita". Sus leat bidjan lávlaga mánáid-cdai "Kvirre virre vitt". Ja cd-čoakkáldagain "Inn fra kulden - Marley på norsk" ja "Venn" leat maid Mari Boine lávlagat.
