NRK Meny
Normal

Mari Boine lávlagat leat šaddan koarralávllan

Ihttin lágida Dimitri joavku konseartta mas lávlot Mari Boine lávlagiid.

Báktehárjjis

Dimitri joavku doallá ihttin konseartta mas lávlot dušše Mari Boine lávlagiid.

Foto: Sergey Gavrilov

– Midjiide lea stuorra illu go lea ožžon dan gudni lávlut dovddus sámi ártistta lávlagiid, ja Mari Boine lea okta min stuorámus ártisttain, lohká Dimitri joavkku gulahallanolmmoš Turid Vesterheim NRKii.

Doavttir Olaf Dimitri Røe dat ásahii Dimitri joavkku jagis 1991. Son ásai dalle Guovdageainnus.

Nu šattai ge namman Dimitri joavku, ja das rájes lea koarra lávlun feara makkár lávlagiid, muhto ihttin lea vuosttaš geardde sii konsearttas lávlot dušše Mari Boine lávlagiid.

Konsearttas lávlot 11 lávlaga ja olbmot besset gullat Boine-šlágáriid nugo «Alla hearrá guhkkin Oslos», «Gula gula» ja «Goaskinvielja».