Máreha čállin girji

Leat go gullan dánlágan dajaldagaid: Máreha čállin girji; Ádjá addin boazu; Gumppe goddin sávza; Eatni gođđin gákkesgákti.

Forfattar Marit Nicolaysen les, Odda, 2009
Foto: Marit Holmquist Fenne / NRK

Oalgecealkka ii dárbbašuvvo

Dakkár cealkaga go Mun lohken girjji, man Máret lea čállán sáhttá jorahit dánin: Mun lohken Máreha čállin girjji.

Oalgecealkka, mii čujuha girjji-sátnái, lea šaddan girjji attribuhttan. Dat mearkkaša ahte oalgecealkaga subjeakta (Máret) rievdá nominatiivvas genitivii (Máreha) ja čállán-vearbahápmi gis šaddá aktio nominatiiva-hápmásažžan (čállin).

Aktio nominatiivaovdamearkkat

Bárrastávvalvearbbaid dahkat, čállit, láibut aktio nominatiivahámit: dahkan, čállin, láibun.

Bárahisstávvalvearbbaid ráhkadit ja muitalit aktio nominatiivahámit: ráhkadan, muitalan.

Kontrakšuvdnavearbbaid válljet ja duddjot aktio nominatiivahámit: válljen, duddjon.

Eambbo lohkamušat: Nickel, Klaus P.: Samisk grammatikk, s. 314-315 ja Sammallahti, P.: Láidehus sámgiela cealkkaoahpa dutkamii, s. 158.