Mánát ohppet goahtehuksema

Julevsámi mánáid- ja nuoraidsearvái, Doajmma Siebrre Julevsábme, lea juolluduvvon 62.000 kruvnnu árbevirolaš goahtehuksemii. Nordlándda filkkasuohkan ja Statskog dat ruhtadit goađi, mii galgá huksejuvvot Måskkivárrái. Ulbmil lea movttidáhttit guovllu mánáid ja nuoraid ávkkástallat meahci, ja velá fievridit julevsámi árbevirolaš huksenmáhtu ođđa buolvvaide.