NRK Meny

Mánáidsuodjalus divrras

Tromssa politihkar Jan Harald Jansen ballá smávva suohkaniid heajos ruhtadili váikkuha dasa movt sii barget stuorát mánáidsuodjalusáššiiguin. Son árvala ahte stáhta berrešii váldit ekonomalaš ovddasvástádusa mánáidsuodjalusáššiid ovddas.

Tromssa Fylkkamánni konstituerejuvvon bajásšaddandirektevra Eivind Bratsberg, ii loga dovdat dán váttisvuođa ja lohká dehálažžan ahte mánáidsuodjalusáššit bissot suohkaniid hálddus.