NRK Meny
Normal

Mánáidskuvlla konsearta Kárášjogas

Sullii 600 olbmo ledje čoagganan geahččat ja gullat mánáidskuvllamánáid go sii lávlo kulturvahkku skuvllakonsearttas. Ovttasbargu dahká dákkáraš lágideami vejolažžan, lohká skuvlla inspektevra.

Mánáidskuvlla konsearttas Kárášjogas
Foto: Toralf Balto / NRK

Kárášjoga mánáidskuvlla konsearttas

Dál lea 13. geardi go Kárášjoga mánáidskuvla lágidii konseartta masa buot luohkkát serve. Dás leat luohkkát vuosttaš gitta čihččet luohká rádjai. Ja oktiibuot leat mánáidskuvllas 283 oahppi.

Ovttasbargu bukta bohtosiid

Kárášjoga vuođđoskuvllainspektevra Kari Skoglund Sara

Kárášjoga vuođđoskuvllainspektevra Kari Skoglund Sara

Foto: Toralf Balto / NRK

Kárášjoga skuvlla inspektevra Kari Skoglund Sara muitala iežaet dál 13 .geardde juo lágideamen mánáidskuvllakonseartta, danne ii leat šat dát nu váttisin sidjiide. Dál sii leat dagalduvvan dasa ahte mo konsertii ráhkkanit. Ovttasbarggu lohká leat deháleapmosin. Mánát oahpahallet lávlagiid ovttas, oahpaheaddjit ovttasbarget ja vánhematge servet lágidit konseartadoaluid.

Konsearttas

Konsearttas

Foto: Toralf Balto / NRK

Máksit oaidnit ja gullat

Máksit fertejedje jos konsertii galge beassat

Máksit fertejedje jos konsertii galge beassat

Foto: Toralf Balto / NRK

Skoglund Sara muitala iežaset čohkkemin ruđaid oasttit rusttegiid skuvlii, nugo jietna-ja čuovgarusttegiid. Danne sii váldet mávssu sis geat bohtet konsertii.

 

 

Vánhemat barget

Vánhemat serve bargat maiddái kafeás

Vánhemat serve bargat maiddái kafeás

Foto: Toralf Balto / NRK

Vánhemat servet lágidit konseartta, sii láibot gáhkuid, vuššet ja vuvdet gáfe, ja muhtimat sis leat maid káfeás barggus. Earát ges fertejit olgun veahkehit. Doppe fertejit sii biilajohtolaga ja biilaguođđima stivret, ainnat go máŋga čuohte olbmo galget biillaidguođđit olggobeallái valáštallanhálla, de ferte doppe leat gii nu gii stivre gosa biillaid guđđet.

Lávlo guđa gillii

Mánáidskuvlla konsearttas

Mánáidskuvlla konsearttas

Foto: Toralf Balto / NRK

Mánáidskuvllamánát lávlo olles guđa gillii dán jagi konsearttas. Nieiddaš gean namma lea Sandra lohká iežas maid lávlun máŋgga gillii. ii ge lohkan gal guhká ádjánan oahppat lávlagiid.

Gula lávlaga: De váldde don mu gihtii

Guossit Lujávrris

Dán jagi lei skuvla bovden gussiid olgoriikkas. Lujávrris bohtege guossit dán jagi skuvllakonsertii. Konsearta loahpahuvvuige danne ruošša lávlagin, maid čihččet luohkka lávllui.

Lávla Njeallja riikka