Ulla Pirttijärvi šuoŋat ja sánit, moadde árbevirolaš luođi ja leudde leat maid CD:s. Buot lávlagiid/luđiid sánit nuohtaiguin leat girjjis Hoŋkoŋ dohkká, mii almmuhuvvui jagis 1996.
Mánát lávlot
Mánát geat lávlot ja juiget leat eret Gáregasnjárggas, Vuovdaguoikkas, Áŋŋelis, Lismás, Leammis, Avvil Máhtes, Kárášjogas ja Uhca Beahcámis.
Ulla lea Áŋŋelis eret, orru dál Ohcejogas, bargá beaivválaččat musihkain; ártistan ja leanadáiddárin. Son dahká šuoŋaid ja čállá teavsttaid, ja leamaš mielde máŋggain CD skearruin. Ulla oaččui Áillohaš musihkkabálkkášumi Beassášfestivalas Guovdageainnus 2007 ja Hongkong-girjji ovddas Sámerádi girjjálašvuođa bálkkašumi 1996.