NRK Meny
Normal

Mánáid dáiddačájáhus Vuotnabađas

Vuotnabađas lea govva- ja dáiddačájáhus Várjjat Sámi Museas, doppe oaidná govaid ja earáge giehtadujiid maid skuvllamánát leat ráhkadan.

Dáiddáčájáhusas

Dáiddáčájáhusas

Foto: Anne Olli

Unjárgga skuvllamánát, vuosttaš gitta njeallját luohká rádjai, sii dat leat ráhkadan dáidagiid maid dál čájehit Várjjat Sámi Museas.

Čájáhusas máŋggalágan dáidat oaidnit

Marianne Johnsen ja Sverre Porsanger

Marianne Johnsen ja Sverre Porsanger

Foto: Anne Olli

Doppe beassá oaidnit máŋggalagan dáidagiid, ii dušše govaid, muhto earálagan dáidagiid maid čájehit. Erenoažin dat lohkaba dáid dáidagiid Marianne Johnsen ja Sverre Porsanger.

Marianne Johnsen oaivvilda ahte dáid govaid leat boahtteáigge dáiddárat ráhkadan, son navdá muhtima dáin mánáin šaddat beakkánis dáiddárin, go dát leat nu erenoamážat.

Ja eai hal čájáhusas leat dušše málejuvvon dahje sárgojon govat, dáppe heaŋgájit maid soljut ja veaskut maid mánát leat ráhkadan.

Maiddái Mariann Wollmann Magga ja Gladys Berntsen geahcadeigga maid dáid dáidagiid. Ju soaige lohkaba dáid leat erenoamážin.

Gladys Berntsen ja Mariann Wollmann Magga

Gladys Berntsen ja Mariann Wollmann Magga

Foto: Anne Olli
Mánáid duojit

Mánáid duojit

Foto: Anne Olli
Dáiddačájáhusas maid ledje sámeniibbit

Dáiddačájáhusas maid ledje sámeniibbit

Foto: Ánne Olli
Mánát sárgon Savio govaid

Mánát sárgon Savio govaid

Foto: Ánne Olli