Manahedje 2 miljovnna ruvnno

Orohat 6 badjeolbmot, Várjjagis, Nuorta-Finnmárkkus, manahedje badjel 2 miljovnna ruvnno, go sidjiide biehttaledje máksit boraspirebuhtadusa. Stádahálddašeaddji ágga dasa lei ahte badjeolbmuid eallu lei guhton lobiheamet ránnjá guovllus. – Dál leat dahkan doaibmabijuid vai dát ii dáhpáhuva fas, nu dadjá Romssa ja Finnmárkku Birasdirektevra Lisa Bjørnsdotter Helgasson.

Korte nyheter

  • Plánejit platinaruvkki Lujávrái

    Ruvkefitnodat Fjodorovo Recources lea álggaheamen barggu Lujávrri gielddas. Plánaidis birra fitnodaga ovddasteaddjit muitaledje duorasta čoahkkimis Lujávrris. Fitnodaga áigu 60 kilomehtera eret Lujávrri čoahkkebáikkis ávkkástallat metállaid, mat gullet platina-jovkui. Čoahkkimis ruvkefitnodaga ovddasteaddjit čilgejedje, ahte ovdalgo huksegohtet infrastruktuvrra, sii háliidit gulahallat báikkálaš sápmelaččaiguin ja iskat ávkkástallama váikkuhusaid ekologijai. Metállaid ávkkástallama háliidivčče álggahit jagis 2027. Seammás fitnodat lohpida ođđa bargosajiid ja oahpahit Lujávrri gieldda olbmuide dán barggu.

    Infomøte Fjodorovo Recources
    Foto: Jevgenij Kirillov / Frilans
  • Koronanjoammu lassána Romssas

    Vássán jándoris leat dieđihuvvon 49 ođđa njoammuma Romssas. Oppalohkái leat 113 olbmo Romssas erremis covid-19 geažil. Universitehtabuohcceviesus leat dál 20 koronabuohcci. – Dál eai leat makkárge ovttaskassivat manne njoammu fáhkka lassána. Eatge dieđe joatká go lassáneapmi, dadjá njoammubajitdoavttir Trond Brattland.

    Lang kø ved testsenteret for korona i Tromsø sentrum
    Foto: Veronica Turnage / NRK
  • Koronadilli Kárášjogas

    Ikte dieđihii Kárášjoga gieldda iežaset neahttasiiddus ahte korona lea njommon ovcci olbmui. Golmmas leat isolašuvnnas korona geažil, ja oktiibuot leat logis isolašuvnnas. Kárášjoga gieldda dearvvašvuođa fágalaš ráđđeaddi Heidi Boine lohká dili duođalaččain. Maiddái valáštallanservviide čuohccá dát dilli.

    Dás gulat Kárášjoga koronadili birra

    Kárášjogas koronalassáneapmi mii čuohccá maid valáštallansearvái.