NRK Meny

Mammografiija heajut bealit

Diehtogihppagat ja neahttasiiddut muitalit uhccán mammografiija heajut beliin. Nu čájeha mastegrádadutkamuš Tromssa universitehtas. Badjel viđalot jahkásaš nissonat ávžžuhuvvojit geahčahit čiččiid vai fuobmájit borasdávdda áiggil. Muhto lea stuorát lohku nissonat geat gillájit maŋŋá geahčadusa go dat geat jápmet čižžeborasdávdii.

Borasdávdaregistara sekšuvdnajođiheaddji Solveig Hofvind lohká váttisin ollašuhttit buot mii cuiggoduvvo, muhto áigot rievdadastit neahttasidduid.