Máksit jođaneappo buhtadasa
Ođđa láhka galgá dagahit ahte buhtadas mákso jođáneappo maŋŋel hirpmusdálki ja luonddubillisteami.
Ihttin bidjá eanandoallo departemeantta ovdán láhkaevttohusa Stuoradikkis, ja eanandoalloministtar Sylvi Listhaug dadjá NTB:ii ahte áššedoaimmahus sáhttá bealliduvvot, seammás go stáda seasta ruđaid.
Maŋemuš logi jagi leat jahkásaččat meannudan sullii 1.300 luonddubillisteami, ja jahkásaččat lea olggosmáksin gaskamearalaččat leamaš badjel 100 millijovnna ruvnno.