Movt sáhttá sámi artista beaggit?

Maid berre sámi aittoálgán sámi artista bargat vai olbmot fuomášit sin musihka? Lea go mihkke earenoamážit maid sáhttet bargat?

Rolffa ja Duolva Duottar
Foto: Wenche Marie Hætta / NRK

Ođđa fálaldagat, ávkin vai eai?

Jus olmmoš háliida "fuomášuvvot" de gávdnojit dán áigge iešguđetlágan gilvvut TVs maidda sáhttá searvat, nu go Norske Talenter ja Idol. Interneahtas gávdnojit ges báikkit gosa sáhttá almmuhit iežas musihka. Ovdamearkka dihte NRK P3 Urørt ja MySpace.

Duolva Duottar lea ovdamearka movt TV bokte sáhttá beaggigoahtit. Sii besse gitta finálai Norske Talenteris, ja Fred René Øvergår Buljo ii jáhke iežas joavkku nu beaggán dán gilvvu haga.

Beakkán neahta ja TV haga

Intrigue
Foto: Pressefoto

Intrigue lea ges joavku mii álggii čuojahit dalle go interneahtta ii vel gávdnon. 90-logus ledje unnán fálaldagat TVs maiddá artisttat sáhtte searvat. Okta mii goit gávdnui lei "Stjerner i sikte".

Dás gulat makkár jurdagat ræppáris ja heavy-lávlus leat daid ođđa fálaldagaid birra:

FRED RENE JA KAI: Dalle go neahtta ii gávdnon

Masa lea MySpace ávkin?

Máŋga sámi artistta leat ráhkadan siiddu MySpace nammasaš neahttabáikái. Oanehaččat muitaluvvon lea dá dakkar neahttabáiki mas gávdná sihke dábálaš olbmuid ja musihkkáriid. Dohko sáhttá bidjat govaid, filmmaid ja ollu eará.

Muhto lea go dát leamaš ávkin artisttii gii lea beakkán goit Sámis, nu go Johan Sara jr? Gula su jurdagiid dán neahttafálaldaga birra:

JOHAN SARA JR JA MYSPACE