Máinnas fámu ja fámohisvuođa birra

Sámi Našunálateáhtera nubbe vuosttasčájálmas dán jagi lea «Nissondeaivvadeapmi», man Sven Henriksen lea čállán. Lea sáme- ja nissonpolitihkalaš teáhtermáinnas - suohtastallamiin ja duođalašvuođain – čállon historjjálaš dieđuid ja áigeguovdilis dáhpáhusaid vuođul. Vuosttaščájálmas ođđajagimánu 25.beaivvi Guovdageainnus.