Máilmmi eamiálbmotgilvvut

Máŋgačuohte eamiolbmo Brasiilas, Asias ja Davvi-Amerihkás leat dáid beivviid gilvvohallamin vuosttaš World Indigenous Games -doaluin. 24 iešguđet álbmoga Brasiilas ja 23 eará riikkain čájehit árbevirolaš gilvvuideaset Palmas -gávpogis. Doalut bistet ovcci beaivvi ja doppe leat gilvvut nu mo kanomiellun, dávgebáhčin, báddegaikun ja sáttasuhkan muora alde.